सस्नेह प्रणाम……!!!

Corporator Shri Nitin Patil (Ward 29 – Tukaram Nagar)

महानगर पालिका प्रशासनाच्या माध्यमातून सर्व मूलभूत सोई सुविधा प्रभागातील नागरिकांना पुरविणे हे माझे आद्य कर्तव्य असून सामाजिक उत्तरदायित्व म्हणून विविध सामाजिक – शैक्षणिक – सांस्कृतिक क्षेत्रातील उपक्रमद्वारे प्रभागातील वातावरण सर्वांगानी पोषक बनविणे ही देखील माझी जबाबदारी आहे हे मी जाणतो.

आपण सर्व नागरिक, माझे डोळे आहात, माझे सहकारी हात आहात.

आपल्या चाळ / इमारत / सोसायटीच्या तसेच आजूबाजूच्या परिसरातील ज्या काही सामाजिक समस्या असतील, तक्रारी असतील, अत्तावश्यक सुधारणा होणे गरजेचे असेल त्याबाबतच्या सर्व सूचना आपण माझ्या पर्यंत पोहचवाव्यात, त्यांचे स्वागतच असेल. मी व माझे कार्यालयीन जनसंपर्क प्रतिनिधी त्वरीत आपली समस्या दूर करण्यास सदैव तत्पर आहोत.

तसेच महानगर पालिकेच्या माध्यमातून आपल्या प्रभागात होणारी दैनंदिन स्वच्छता विषयक कामे (घंटागाडी, औषध फवारणी), पाणी पुरवठा व विद्युत पुरवठा बाबत सूचना, आपल्या वॉर्डातील विविध विकासात्मक हाती घेतलेली कामे इ. ची अद्ययावत माहिती आपणांस दिली जाईल तसेचं त्याबाबत आपली बहुमूल्य मते जाणून त्यानुसार यथायोग्य कार्याप्रणाली निश्चितच आखली जाईल.

अशाप्रकारे आपण माझे डोळे व हात बनल्यास अनंत डोळ्यान्नी व हातान्नी एकत्रीत रित्या काम करीत आपला प्रभाग एक आदर्श प्रभाग म्हणून नावारूपाला आणण्याचा माझा प्रामाणिक प्रयत्न आहे.

आपल्या सहकार्याच्या अपेक्षेने
आपला नम्र स्नेहांकित